Годишниот симпозиум на Македонската секција на Меѓународното здружение на ликовни критичари – АICA ќе се одржи на 27 ноември 2026 година (петок), со почеток во 13:00 часот, во Чифте амам, Скопје.

Овогодинешниот симпозиум, под наслов „Архитектура на институционалното“, ќе биде посветен на критичкото преиспитување на функционирањето на културните институции, професионалните стандарди, институционалната одговорност и односите што го обликуваат современото културно поле. Намерата е да отвориме простор за аргументирана дискусија, размена на искуства и конструктивни предлози за унапредување на институционалните и професионалните практики.

Иницијатори на темата и воведни говорници:

  • Викторија Васева Димеска
  • Натали Рајчиновска Павлеска
  • Ана Франговска

Симпозиумот е замислен како отворена платформа за разговор и размена на различни критички позиции. Сите членови на АИКА, како и други заинтересирани стручни лица кои сакаат да се вклучат со сопствено излагање, размислување или конкретен придонес кон темата, се повеќе од добредојдени.

Воедно, ве повикувам активно да се вклучите и во предлагањето на кандидати за годишната награда „Борис Петковски“, во трите предвидени категории.

  1. За континуиран придонес во областа на уметничката критика
  2. За најдобар критички текст
  3. За најдобар теоретски или истражувачки труд

Ве молам вашите предлози, придружени со кратко образложение и соодветни материјали што ја поткрепуваат номинацијата, да ги доставите најдоцна до 20 ноември 2026 година.

Ана Франговска

Претседател, AICA Македонија